Кентау қалалық полиция бөлімінің қызметкерлері «Кентау көпсалалы колледжінде» студенттердің қатысуымен «Нашақорлық және құқықбұзушылықтың алдын алу» тақырыбында профилактикалық кездесу ұйымдастырылды. Бұл туралы Түркістан облысы ПД баспасөз қызметі хабарлады.
Іс-шараның негізгі мақсаты — жастар арасында құқықтық мәдениетті қалыптастыру, есірткі заттарын қолданудың қауіптілігі мен құқықбұзушылықтың салдарын түсіндіру.
Кездесуге колледждің 300-ге жуық студенті қатысып, құқықтық тақырыптарда жан-жақты ақпарат алды. Мамандар жасөспірімдерге нашақорлықтың денсаулық пен өмірге тигізетін зияны туралы айтып, құқықтық жауапкершілік мәселелерін түсіндірді.
