«Заң мен Тәртіп» қағидаты аясында «Білімді жастар – ел ертеңі» атты құқықтық тәрбиелік көшбасшылар форумы өткізілді.
Форумға Түркістан облысы прокурорының орынбасары Ермұрат Шалатайұлы қатысып, қазіргі қоғамда жиілеген құқықбұзушылықтар және олардың алдын алу мәселелері туралы баяндама жасап, жастардың құқықтық мемлекет қалыптастырудағы маңызды рөлін, заң мен тәртіпті сақтау – жарқын болашақтың басты кепілі екенін жеткізді.
Кездесу барысында жастармен ашық пікірталас ұйымдастырылып, сұрақтар қойылып, ой-пікір алмасылды.
Іс-шараның басты мақсаты – жастардың құқықтық мәдениетін арттыру, құқықтық сауаттылықты нығайту, жеке жауапкершілік пен қоғамға қызмет ету идеяларын насихаттау, сондай-ақ елдің дамуына үлес қосатын жас көшбасшыларды қолдау болып табылады.
Асан.Р.
