Түркістан облысы прокурорының орынбасары Дәулет Тлемисов облыстық білім басқармасына қарасты “Түркістан облысы психологиялық қолдау орталығы” КММ психологтарының жұмысымен танысты.
Кездесуге Түркістан облыстық білім басқармасы басшысының орынбасары Айгүл Қасымбекова, орталық директорының уақытша міндетін атқарушы Мөлдір Зайнуллақызы, мекеме мамандары және құқық қорғау органдарының өкілдері қатысты.
Жиын барысында орталық мамандары атқарылып жатқан жұмыстар туралы жан-жақты ақпарат беріп, балаларға, жасөспірімдерге және ата-аналарға көрсетілетін психологиялық қолдау тетіктері таныстырылды. Басқосуда буллинг, агрессивті мінез-құлықтың алдын алу бағытындағы кешенді шаралар талқыланды.
Өз кезегінде Дәулет Бекбашұлы психологиялық қызметтің сапасын арттыру, мамандардың біліктілігін жүйелі түрде жетілдіру бойынша жұмысты жандандыруды тапсырды.
habarlike.kz
