«Жасөспірімдер полиция бөлімінің басшысымен кездесіп, сұқбат құрды» деп хабарлайды Түркістан облысы ПД баспасөз қызметі.
Баспасөз қызметінің хабарлауынша Кентау қаласы полиция бөлімінде кәмелетке толмағандар арасында құқықбұзушылықтың алдын алу мақсатында профилактикалық жиын өткен. Оған 150-ге жуық жасөспірім қатысқан.
Жиында Кентау қаласы полиция бөлімінің басшысы Шералы Абдраманов суицид, буллинг, әлімжеттік, лудомания, интернет-алаяқтық және синтетикалық есірткі қылмыстары туралы түсіндіріп, заң талаптарының қатаң екендігін ескерткен.
«Қатысушыларға полиция ғимараты бойынша экскурсия ұйымдастырылып, жедел басқару орталығы мен уақытша ұстау изоляторы таныстырылды. Сондай-ақ құқықбұзушылық пен қылмыстың салдары жөнінде құқықтық ақпарат берілді.
Мұндай профилактикалық шаралар алдағы уақытта да тұрақты түрде жалғасатын болады» деп хабарлайды баспасөз қызметі.
Е,Асыл
