Түркістан облысы Полиция департаментінің тапсырмасына сәйкес Бәйдібек ауданында мереке қарсаңында қауіпсіздікті қамтамасыз ету мақсатында «Пиротехника» жедел-профилактикалық іс-шарасы ұйымдастырылды.
Рейд барысында полиция қызметкерлері сауда орындары мен өзге де нысандарда пиротехникалық бұйымдардың заңсыз сатылуы, сақталуы және пайдаланылуына қатысты тексерулер жүргізді.
Тұрғындарға Қазақстан Республикасының «Азаматтық қорғау туралы» Заңына сәйкес пиротехникалық заттарды рұқсатсыз сату мен қолдануға тыйым салынатыны түсіндірілді.
Сонымен қатар заң талаптарын бұзған жағдайда әкімшілік жауапкершілік қарастырылатыны ескертілді. Іс-шара өңірде қоғамдық қауіпсіздікті қамтамасыз ету мақсатында жалғасатын болады.
Түркістан облысы ПД баспасөз қызметі
