Полицейлер Келес ауданы аумағында орналасқан мешіттерде жұма намазы уақытында тұлғаларға түсіндіру жұмыстарын жүргізді.
Кездесу барысында алаяқтардың кең таралған қылмыстық тәсілдері, әлеуметтік желілер мен мессенджерлер арқылы жасалатын интернет алаяқтық түрлері, сондай-ақ күмәнді сілтемелер мен белгісіз нөмірлерден сақтану жолдары жан-жақты түсіндірілді.
Сонымен қатар тұрғындарға жеке деректердің қауіпсіздігін қамтамасыз ету, банк карталарының реквизиттерін бөгде адамдарға бермеу, күмәнді жағдайлар туындаған жағдайда құқық қорғау органдарына дереу хабарласу қажеттігі ескертілді.
Аталған профилактикалық іс-шаралар тұрғындардың құқықтық сауаттылығын арттыруға және интернет алаяқтықтың алдын алуға бағытталған.
Түркістан облысы ПД баспасөз қызметі
