«Депутат болу – биік мансап емес, бұл – зор жауапкершілік және маңызды міндет. Сіздерді халық сайлады. Жұрт өздеріңізге сенім артып отыр. Ел сенімі-ел аманаты»
Мемлекет басшысы Қасым-Жомарт Тоқаев.
Депутаттық мандатты иеленген әрбір азаматтың алдында Президентіміздің осы бір сөзі шырақ болып тұруға тиісті. Әріптестерім іскерлік белсенділікті ынталандыру, еліміздің өндірістік әлеуетін барынша арттыру, инфрақұрылымды дамыту, азық-түлік қауіпсіздігін қамтамасыз ету, адам капиталының сапасын арттыру, әлеуметтік осал топтағы азаматтарды қолдау, адам құқығын қорғау жүйесін жетілдіру, мемлекеттік басқарудың тиімділігін және стратегиялық жоспарлаудың сапасын көтеру бағытында тындырымды тірліктер атқарып келеді. Бүгінде еліміздің барлық саласы аталмыш бағыт бойынша жұмыс жасап жатыр.
Айта кетейік, Арыс қалалық мәслихатының «АMANAT», «Ауыл», «АҚЖОЛ» партияларынан сайланған депутаттар мықты экономика, құқықтық мемлекет, дамыған азаматтық қоғамды қолдау жолында жұмыс істеп келеді. Сессияда бекітілген бағдарламалар мен шешімдердің орындалуы, әлеуметтік мәні бар мәселелер әрдайым назарымыздан тыс қалмақ емес. Ел сенімін аманат етіп алған соң, барлық салаға көңіл аудару, тиімді ұсыныс пен оңды нәтиже шығару басты ұстанымымыз екені анық. Сондықтан қала тұрғындарын қоғамдық көлікпен қамтамасыз ету, қаланы көгалдандыру, жастар саясатының іске асырылуы, төтенше жағдайларға қатысты барлы мәселелер әріптестерімнің жіті қадағалауымен көңілге қонымды нәтиже көрсетіп келеді. Атқарған жұмыстарымыз жайлы ауыл, қала халқының алдында есеп беріп, әлеуметтік «Фейсбук» желісінде посттар мен есептік бейне сюжеттер жариялап тұрамыз.
Президентіміз Қасым-Жомарт Тоқаев: «Биліктің өзгеріс жасауға ықыласты және дайын екенін жұрт көруі керек. Бір сөзбен айтқанда, шын мәнінде «Халық үніне құлақ асатын мемлекет» қалыптастыру қажет. Ел басқару және шешім қабылдау ісіне азаматтарды барынша тартқан жөн», — деген болатын. Ал халықтың үнін есту үшін көпшіліктің ортасында жүруіміз аса маңызды. Сырт көзбен сынай қарап отырған адам, елдің ішкі мәселесін, түйіні шешілмеген түйткілін түсінбесі анық. Сондықтан әріптестерім үнемі өз округінің сайлаушыларымен, жергілікті өзін-өзі басқару орғандарымен және ұйымдармен кездесулер мен жиналыстар өткізіп тұрады. Халықпен жиі кездесу билік пен қоғам арасында тұрақты диалог орнатудың басты негізі. Аудан бойынша Монтайтас, Дермене, Ақдала, Қожатоғай, Байырқұм, Жиделі деп аталатын алты ауылдық округ орналасқан. Депуттар осы ауылдардағы халықпен жүздесіп, талап-тілектерін, өзекті мәселелерін тыңдап, нәтиже шығаруға атсалысады. Депутаттық мінберге шыққанына көп бола қоймаған әріптестерім осы аз уақыттың ішінде-ақ халықтың бірқатар талап-тілектерін тыңдап, саралап үлгерді. Тұрғындар көбіне көшелерді жарықтандыру, ауылды абаттандыру, жолдарды жөндеу, интернет және ұялы байланысын реттеу, көпбалалы аналардың әлеуметтік жағдайы, әлеуметтік осал топтағы отбасындағы оқушы балалардың мектеп формасы туралы өтініш білдіреді. Осы орайды мәслихат депутаттары елдің өзекті мәселелерін шешу мақсатында нақты іс-шара жасап, мониторинг жүргізіп, тұрақты қадағалауға алып отыр. Кейбір мәселелер бойынша ҚР Парламенті Сенатына, ҚР Парламенті Мәжілісіне, Қазақстан Республикасының Мәдениет және спорт министрлігіне депутаттық сауалдар мен хаттар жолданып үлгерді. Алдағы уақытта оңды шешімін табатын болады.
Сондай-ақ, депутаттар кейбір отбасыларға материалдық көмек көрсетуге, жұмысқа орналастыруға, оқуға түсуге және денсаулығын емдету үшін демеушілік көрсетуге белсенділік танытып тұрады.
Сөз арасында айта кетейік, өздеріңіз жақсы білдесіздер, көрнекті ақынымыз Мағжан Жұмабаевтың «Мен жастарға сенемін» деген өлеңін барлығымыз жастайымыздан оқып өстік. Бірақ терең мағынасын есейген шағыңда түсінеді екенсің. Бүгінгі күннің ақиқаты — жастарға үлкен сенім артуып, қолдап огтыруымыз керектігін білдірді. Тиісті орындардан қолдау болса бастаған ісін дөңгелетіп әкетуге қабілетті жастарымыз молынан кездеседі. Оған күнделікті көз жеткізіп те жүрміз.
Ауданымызда шаруасын дөңгелетіп, отбасына да өзіне де пайдасын тигізіп, шаруасын дөңгелетіп отырған жастарымыз көп. Жұмыссыздарының қатары да сиреп келеді. «2021-2025 жылдарға арналған кәсіпкерлікті дамыту жөніндегі ұлттық жобасы» аясында грант ұтып алған жастарымыз да бар. Қазір көпшілігі тігін шеберханасы, кондитерлік өнім, сұлулық салоны, шағын асханы, ағаш шеберхана, шаштараз, дәнекерлеуші, жылыжай егіні және мал шаруашылығы кәсіптерімен көптеген жастарымыз айналысып жүр.
Президентіміз Қасым-Жомарт Тоқаев Нью-Йоркте Американың жоғары оқу орындарын бітіріп, америкалық компанияларға жұмысқа орналасқан жастармен кездескенде: «Біз сіздерді Қазақстан азаматтары деп білеміз. Сіздер – қазақсыздар. Нью-Йорк немесе Еуропа елдері болсын, әлемнің дамушы елдері болсын, қай жерде жұмыс істесеңіз де, қазақ болып қаласыздар» деп айттым, – деген екен. Ия, бүгінгі жастар өзін-өзі ұдайы жетілдіріп, жан-жақты дамытып отыруға, көп тіл үйренуге құштар. Олар түрлі идеялар ұсынып, қоғамдық өмірге белсене араласа алады. Ендгі жерде олардың осы бір құлшынысын, елге деген патриоттығын жандандырып, жөн сілтеп отыру да басты міндетіміз болады.
Қайрат Ахметов,
Арыс қалалық мәслихатының төрағасы.
