Жуырда «Абай» мәдениет үйінде Шардара аудандық прокуратураның ұйымдастыруымен, қоғамдық ұйымдар өкілдері мен жастардың қатысуымен «ДҰРЫС ТАҢДАУ-ЖАРҚЫН болашақтың кепілі» тақырыбында, балалардың қауіпсіздігін қамтамасыз ету, құқық бұзушылықтың алдын алу, суицидтік себеп-салдарын талқылау және жауапты органдар мен қоғамның бірлескен іс-қимылын күшейту жолдарын қарастыру мақсатында өтті.
Форум барысында Шардара ауданы прокуратурасының аға прокуроры Санжар Ильясұлы Дарибаев, Полиция бөлімі бастығының орынбасары Қасымхан Өмешұлы Сатыбалдиев, білім бөлімінің психолог- әдіскері Динара Зейнабдинқызы Мамедова, қол күрестен 8дүркін Әлем чемпионы, ҚР еңбек сіңірген спортшы Нұрдәулет Мырзаханұлы Айдархан, ауданымыздың Құрметті азаматы Тансықбай Өтегенұлы Сахов және орталық мешіттің бас имамы Қажымұқан Тынышбекұлы Қазыбаев сөз сөйледі.
Әр тақырыпты өте әсерлі дайындалған бейнероликтер көрсетілді.
Форум барысында тәрбиелік мәні зор қойылым қойған колледж студенттері Бақтыбай Жанболат пен Ділдәбек Асылбекті, аудан прокуроры Әлі Ермекұлы Алғыс хатпен марапаттады .
Форум соңында аудан прокуроры Алмас Әлі Ермекұлы жиынды қорытындылап, Ақсақалдар кеңесінің төрағасы Қыстау Інайұлы Форумның өте жоғары деңгейде өткенін айта келіп. жастарға бата берді.
Ұлдықыз Жәлелқызы,
ҚХА жанындағы Түркістан облысы, Шардара ауданы Аналар кеңесі төрайымы
