Қазығұртта қылмыс азайып, қоғамдық тәртіп нығайды. Бұл туралы 2025 жылдың қорытындысы бойынша Түркістан облысы полиция департаменті бастығының орынбасары Ғалымжан Қуашбаев төрағалығымен өткен Қазығұрт ауданындағы жедел-қызметтік кеңесте айтылды.
Жиын барысында жеке құрамға ҚР Ішкі істер министрі Е. Сәденовтің және Түркістан облысы полиция департаментінің бастығы А. Заппаровтың нұсқаулары мен талаптары жеткізіліп, алдағы кезеңге арналған нақты міндеттер айқындалды.
Сонымен қатар «Заң мен тәртіп» қағидатын қатаң сақтау және «Адал полиция» жобасының негізгі бағыттарын іске асыру мәселелеріне ерекше назар аударылды.
«Кеңес аясында Қазығұрт полициясының 2025 жылғы қызмет нәтижелері сараланды. Жыл қорытындысымен аудан аумағында қылмыс деңгейі 7,1% азайып, қабылданып жатқан алдын алу шаралардың тиімділігін көрсетті.
Интернет-алаяқтық қылмыстарының алдын алу бағытындағы жұмыстар күшейтіліп, тұрғындармен жүйелі түрде түсіндіру-профилактикалық іс-шаралары жалғасуда» деп хабарлайды Түркістан облысы ПД баспасөз қызметі.
