Бәйдібек аудандық полиция бөлімінде Республика күніне арналған салтанатты іс-шара өтті. Полиция бөлімінің бастығы Нұрдәулет Ажибеков жеке құрамды мерекемен құттықтап, ел бірлігі мен тәртіп сақшыларының қоғам қауіпсіздігін қамтамасыз етудегі еңбегін жоғары бағалады. Бұл туралы Түркістан облысы ПД баспасөз қызметі хабарлады.
Мереке аясында қызметтік міндетін адал атқарып, қоғам тыныштығын сақтауда үздік нәтиже көрсеткен бірқатар полиция қызметкерлеріне алғыс хаттар мен марапаттар табыс етілді.
Сондай-ақ салтанатты жиынға М.Әуезов атындағы IT мектеп-лицейінің «Жас сақшы» ұйымының мүшелері қатысып, полиция қызметкерлерін Республика күнімен құттықтады.
Өз кезегінде бөлім басшылығы жас өрендердің азаматтық белсенділігін атап өтіп, оларға да алғыс хаттар табыс етті. Іс-шара патриоттық рух пен ел бірлігін дәріптеген мерекелік көңіл-күйде өтті.
