Түркістан облысы ПД баспасөз қызметі “Қауіпсіз жол” іс-шарасы аясында жол қозғалысы бақылауы күшейтілгенін хабарлайды.
«Түркістан қаласында «Қауіпсіз жол» жедел-профилактикалық іс-шарасы аясында жол қозғалысы мәдениетін арттыру және құқықбұзушылықтардың алдын алу бағытындағы кешенді жұмыстар жалғасуда» дейді баспасөз қызметінің хабарламасынды.
Патрульдік полиция қызметкерлері қала көшелерінде бақылауды күшейтіп, автокөлік жүргізушілері мен жаяу жүргіншілер тарапынан жиі кездесетін құқық бұзушылықтарды анықтау бойынша рейдтік іс-шараларды жүргізуде.
Тіркелген құқықбұзушылықтар бойынша тиісті әкімшілік шаралар қолданылып, тұрғындарға жол қозғалысы ережелерін сақтау қажеттілігі және жол-көлік оқиғаларының алдын алу маңыздылығы түсіндірілді.
Түркістан облысының полицейлері жолдағы тәртіп пен қауіпсіздікті қамтамасыз ету бағытындағы жұмыстардың алдағы уақытта да жүйелі түрде жалғасатынын атап өтті.
В.Ырыс.
