Ордабасы аудандық полиция бөлімінің қызметкерлері жастар арасында нашақорлықтың алдын алу мен салауатты өмір салтын насихаттау мақсатында флешмоб ұйымдастырды. Іс-шараның басты мақсаты – жасөспірімдер мен студенттердің спортқа қызығушылығын арттырып, зиянды әдеттерден аулақ болуға шақыру.
Флешмоб Шұбар ауылындағы №18 колледж базасында өтті. Колледж студенттері спорттық ойындар мен түрлі белсенді жаттығуларға қатысып, өздерінің белсенділіктері мен ұйымшылдығын көрсетті.
Мұндай шаралар жастардың бос уақытын тиімді ұйымдастыруға, салауатты өмір салтын қалыптастыруға және қоғамда нашақорлыққа қарсы иммунитетті нығайтуға ықпал етеді.
Ордабасы аудандық полиция бөлімі алдағы уақытта да жастар арасында құқықтық мәдениетті арттыру және зиянды әдеттердің алдын алу бағытындағы жұмыстарды жалғастыратын болады.
Түркістан облысы ПД баспасөз қызметі
