Түркістан облысы ПД Әкімшілік полиция басқармасының бастығы Қанат Рахышев облыс көлемінде жол көлік оқиғаларының алдын алу және құқық бұзушылықтарды анықтау мақсатында аудандарға қызметтік іссапармен шықты.
Полиция басшысы трассада жүргізушілерге түсіндірме жұмыстарын жүргізді. 2 тәулік бойы жүргізілген шара барысында жол қозғалысы ережесі жазылған 300 дана жаднама таратылды.
Тәртіп сақшылары жол саласына қатысты 154 әкімшілік құқық бұзушылықты анықтап, 37 көлікті айыптұраққа жеткізді. Аталған бір нүктелік рейдтік жұмыстар аптаның демалыс күндері де жалғасады.
Түркістан облысы ПД баспасөз қызметі.
