«Түркістан облысы Полиция департаменті Әкімшілік полиция басқармасының әкімшілік практика бөлімінің бастығы Нұрым Әметов Сайрам аудандық полиция бөлімінің қызметкерлеріне дәріс өткізді.
Онда Әкімшілік істер бойынша бірыңғай тізілімідегі мәліметтер қоры негізінде планшеттік компьютерлер арқылы әкімшілік құқық бұзушылық туралы істер қозғауға арналған мобильді қосымшаға енгізілген өзгерістер бойынша ақпарат берілді» деп хабарлайды Түркістан облысы ПД баспасөз қызметі.
Сабақ барысында әкімшілік айыппұл төлеу қажеттілігі туралы қаулылар мен нұсқамаларды мәжбүрлеп орындауға автоматты түрде жолдау функционалының іске қосылғаны түсіндірілді.
Сонымен қатар «Қорғау» жүйесіне енгізілген жаңа өзгерістер бойынша жан жақты түсіндірме жүргізіліп, қызметкерлермен тәжірибе алмасты.
«Қазіргі таңда жол қозғалысы ережелерін жүйелі түрде бұзатын жүргізушілерді анықтау, оларды есепке алу, ұстау шараларын қабылдау және профилактикалық жұмыстар жүргізу бағытындағы жұмыстар жалғасуда.
Жыл басынан бері «Қорғау» жүйесі арқылы Сайрам ауданында 238 көлік анықталған» дейді баспасөз қызметінің хабарламасында.
П.Расул
