«Заң мен Тәртіп» тұжырымдамасын ілгерілету аясында Сарыағаш ауданында пробация есебіндегілермен кездесу өтті.
Кездесуге облыс прокуратурасының басқарма бастығы Н.Ш.Асқанбеков, аудан прокуроры М.М.Мошқалов және пробация бөлімі мен мансап орталығының басшылары қатысып, қайта қылмыстарды болдырмау мақсатында профилактикалық түсіндурі жұмыстары жүргізілді.
Бұдан бөлек, жиынға төрағалық етуші Н.Ш.Асқанбеков сотталғандарды әлеуметтендіру мақсатында мемлекет тарапынан көрсетілетін, қайтарымсыз гранттар, жеңілдетілген несиелер, жұмыс орындарын субсидиялау сияқты қолдауларды түсіндіріп, арнайы әзірленген жадынамалар таратылды.
Кездесуде мансап орталығымен жұмыссыз азаматтарға жұмыс орындары ұсынылып, жолдамалар берілді.
Кездесуден соң, алдын жүргізілген ұйымдастыру шараларының нәтижесімен жұмысқа орналасқан есептегілердің жұмыс орындарына барып, жұмыс берушілермен және өздерімен кездесу жүргізілді.
Сондай-ақ, мемлекет қолдауын пайдалана отырып өз кәсіптерін бастап, өздері жұмыс беріп отырған есептегілермен де кездесу жүргізіліп, қосымша қолдауларға қол жеткізе алатындары туралы түсіндірілді.
Мағыналас жұмыстар жалғасын табатын болады.
А. Асан.
