Қазақстан Республикасының Азаматтық процестік кодексінің 174-бабына сәйкес, сот тараптарға татуласу рәсіміне қатысуы үшін шақыру жібере отырып, тараптардың татуласуына шаралар қабылдайды, оларға дауды процестің барлық сатысында реттеуде жәрдемдеседі.
Тараптар татуласу келісімін, дауды (жанжалды) медиация тәртібімен реттеу туралы келісімді немесе дауды партисипативтік рәсімдер тәртібімен реттеу туралы келісімді жасап не осы Кодексте белгіленген тәртіппен өзге де тәсілдерді пайдалана отырып, дауды өзара талаптардың толық көлемінде не бір бөлігінде реттей алады.
Судья медиатордың көмегімен Созақ аудандық сотында бір күнде қарыз ақша өндіру бойынша 11 азаматтық іс медиация тәртібімен реттелді, оның ішінде екі іс бойынша қарыз сомасы жалпы алғанда 20 000 000 теңгені құрады.
Түркістан облыстық сотының Баспасөз қызметі
