«25 қазан – Республика күніне орай Төлеби ауданында мемлекеттік Ту көтеру салтанатты рәсімі өтті. Елдік рух пен тәуелсіздіктің символына айналған бұл шараға аудандық полиция бөлімінің жеке құрамы да белсене қатысты» деп хабарлайды Түркістан облысы ПД баспасөз қызметі.
Салтанатты шарада мемлекеттік Әнұран шырқалып, көк байрақ асқақ көтерілді. Бұл сәт – елдің бірлігі мен тұтастығын, полиция қызметкерлерінің Отан алдындағы адалдық пен жауапкершілікке деген берік ұстанымын айқындай түсті.
Полиция бөлімінің бастығы Ғалымжан Қуашбаев жеке құрамды мерекемен құттықтап, Республика күнінің тарихи маңызын атап өтті. Содай- ақ мерекеге орай бөлімнің үздік қызметкерлері алғыс хаттармен және ведомстволық марапаттармен марапатталды.
Шара соңында жеке құрам Туға құрмет көрсетіп, Отанға адал қызмет ету антына деген сенімін тағы бір мәрте бекемдеді.
