Түркістан облысы ПД бастығы Мұрат Қабденов, жеке құрамның қысқы маусымға дайындығы мен автокөліктердің даярлығын тексеру мақсатында гарнизондық саптық байқау өткізді.
Жиынға Полиция департаментінің басшылығы мен аппарат қызметкерлері, учаскелік полиция инспекторлары мен патрульдік полицейлер, сондай-ақ Түркістан облысы бойынша Ұлттық ұланның әскери қызметшілері қатысты.
Полиция департаментінің бастығы полиция генерал-майоры М.Қабденов: «Түркістан облысы аумағында «Заң мен тәртіп» қағидатын ұстанып, құқық бұзушылықтарға жол бермеуге, қашанда заңдылықты сақтап, азаматтарға қажетті көмек көрсетуді, қарым-қатынас кезінде сыпайы болуды, адал қызмет атқаруды бұйырамын. Сондай-ақ бүгінгі қыстық киім үлгісіне өту аясында, алдағы уақытта нысанды киім үлгісін бұзуға жол бермеңіздер!»,-деп атап өтті.
Одан әрі тәртіп сақшыларының сыртқы бейнесі мен саптық жарғы ережелерін меңгеруін қадағалады. Қызметтік автокөліктердегі құтқаруға арналған құрал-жабдықтардың түгел болуын ескертіп, анықталған кемшіліктерді жою бойынша тиісті басшыларға тапсырма берді.
Саптық байқау аяқталған соң, полицейлер салтанатты шеруден өтіп, күнделікті міндеттерін орындауға кірісті.
Түркістан облысы ПД баспасөз қызметі
