Сайрам ауданының полиция басқармасында психолог мамандардың қатысуымен жеке құрамға арналған психологиялық тренинг өткізілді.
Іс-шараның мақсаты — қызметкерлер арасында лудомания мен алкогольді ішімдікке әуестіктің алдын алу, сондай-ақ эмоционалдық тұрақтылықты арттыру және күйзеліске қарсы тұру қабілеттерін дамыту.
Тренинг барысында мамандар түсіндіру жұмыстарын жүргізіп, түрлі практикалық жаттығулар арқылы қызметкерлердің көңіл-күйін көтеруге бағытталған сергіту сәттері мен топтық ойындар ұйымдастырылды.
Мұндай шаралар полиция қызметкерлерінің психологиялық ахуалын жақсартуға, ұжым ішіндегі ынтымақтастықты нығайтуға бағытталған.
Түркістан облысы ПД баспасөз қызметі
