Түркістан облысы ПД-нің Ұйымдасқан қылмысқа қарсы күрес басқармасының қызметкерлері жедел-іздестіру іс-шаралары барысында атыс қаруы мен оқ-дәрілерді заңсыз сақтады деген күдікпен Сауран ауданының тұрғынын ұстады.
Полицейлер оның тұрғылықты мекенжайын тінту кезінде ұсақ калибрлі мылтық карабині мен оқ-дәрілерді тапты. Тәркіленген атыс қаруы тіркелмеген болып шықты.
Қару заңсыз сақтау фактісі бойынша сотқа дейінгі тергеу амалдары жүргізілуде. Барлық жағдайларды анықтауға бағытталған тергеу әрекеттері жалғасуда.
Полиция ескертеді: қаруды тиісті құжаттарсыз сақтау және алып жүру құқық бұзушылық болып табылады және бұл бойынша қатаң жауапкершілік қарастырылған.
Түркістан облысы ПД баспасөз қызметі
