Арыс қаласындағы Ә.Жангелдин жалпы орта мектебінің «Жас сақшы» қоры тарихи-өлкетану музейінде тәрбиелік бағыттағы танымдық кездесуге қатысты. Кездесу «Ардагерлердің өмір жолы – жас ұрпаққа тағылым» ұранымен және «Адал азамат» бағдарламасы аясында жүзеге асырылды.
Музей қызметкерлері қатысушыларға ел тарихы мен егемендіктің маңызы туралы айтып, ардагерлердің ерлік жолы мен құқық қорғау органдарының қалыптасу тарихымен таныстырды. Жиында оқушылар музей экспозицияларымен танысып, патриоттық рух пен азаматтық жауапкершілікті сезінуге бағытталған тағылымды мәліметтер алды.
Сонымен қатар жас буын өкілдеріне елге деген сүйіспеншілік, азаматтық борыш пен полиция қызметінің қоғамдағы маңыздылығын түсіндіру жұмыстары жүргізілді.
Түркістан облысы ПД баспасөз қызметі
