Созақ ауданы аумағында кәмелетке толмағандар арасындағы құқық бұзушылықтың, қадағалаусыздықтың және өзіне-өзі қол жұмсаудың алдын алу мақсатында «Жасөспірім» жедел-алдын алу іс-шарасы ұйымдастырылды.
Рейдтік жұмыстарға полиция бөлімінің кәмелетке толмағандар ісі жөніндегі инспекторлары мен учаскелік полиция қызметкерлері, білім бөлімі мамандары және ерікті жастар тартылды. Барлығы 30-ға жуық қызметкер мен еріктілер бірлесіп жұмыс атқарды.
Іс-шара барысында аудан аумағындағы 4 қоғамдық тамақтану орны, 6 ойын-сауық мекемесі және саябақтар тексерілді. Нәтижесінде түнгі уақытта заңды өкілінсіз жүрген 15 жасөспірім анықталып, олардың ата-аналарына қатысты әкімшілік шара көрілді.
Түркістан облысы ПД баспасөз қызметі
