«Жетісай ауданында қоғамдық тәртіпті сақтау және кәмелетке толмағандар арасындағы құқық бұзушылықтың алдын алу мақсатында «Түнгі қауіпсіздік» профилактикалық рейд өткізілді» деп хабарлайды Түркістан облысы ПД баспасөз қызметі.
Рейд барысында аудан аумағындағы 4 қоғамдық тамақтану орны, 6 ойын-сауық мекемесі және 1 саябақ тексерілді. Тексеру нәтижесінде 15 жасөспірім анықталып, олардың заңды өкілдеріне қатысты әкімшілік шаралар көрілді. Сонымен қатар 2 жасөспірім — түнгі уақытта заңды өкілінсіз жүргені үшін, 1 жасөспірім сағат — 22:00-ден кейін ойынхана аумағында болғаны үшін, сондай-ақ 7 жасөспірім – сағат 23:00-ден кейін заңды өкілінің қатысуынсыз жүргені анықталды.
Рейд кезінде тұрғындарға заң талаптары түсіндіріліп, ата-аналарға балалардың қауіпсіздігін қамтамасыз ету жөнінде профилактикалық нұсқаулықтар берілді.
