Полицияның бастамасымен нашақорлықтың алдын алу форумы ұйымдастырылды. Бұл туралы Түркістан облысы ПД баспасөз қызметі хабарлады.
«Шардара полициясының ұйымдастыруымен жастар мен ата-аналарға арналған маңызды профилактикалық форум өтті.
«Есірткісіз өмір – жарқын болашақтың кепілі» тақырыбындағы шарада нашақорлықтың жеке адамға, отбасыға және қоғамға тигізетін зияны жан-жақты талқыланып, қатысушыларға алдын алу бағытындағы бейнероликтер көрсетілді» дейді баспасөз қызметі.
Форумға ақсақалдар кеңесінің төрағасы, теолог маман, дәрігер-нарколог пен белсенді жастар қатысты. Спикерлер есірткіге қарсы күрестің өзектілігін атап өтіп, жастарды зиянды әдеттерден аулақ болуға шақырды.
Жастар атынан сөз алған «iBilim» мектебінің оқушысы Айша Алдеш:
«Жаман әдеттерден аулақ болайық, есірткіге жол бермейік!» – деп әсерлі үндеу жолдады.
Шара соңында жастарға салауатты өмір салтын ұстану, денсаулықты қорғаудың маңызын түсіндіру, сондай-ақ қоғамның ортақ жауапкершілігі туралы кеңестер берілді.
Г. Мамыр.
