Интернет-алаяқтықтың алдын алу мақсатында Сайрам ауданының полиция басқармасы қызметкерлері аудан аумағында профилактикалық іс-шара өткізді.
Іс-шара барысында полиция қызметкерлері аудан тұрғындарымен кездесіп, интернет-алаяқтықтың кең таралған түрлері, күмәнді сілтемелер мен жалған қоңыраулардан сақтану жолдары туралы түсіндірме жұмыстарын жүргізді. Сонымен қатар тұрғындарға ақпараттық брошюралар таратылды.
Сондай-ақ сауда орындарында және аудан орталығындағы LED-экрандарда интернет-алаяқтықтың алдын алуға бағытталған ақпараттық бейнероликтер көрсетілуде.
Аталған профилактикалық жұмыстар тұрғындардың құқықтық сауаттылығын арттыруға және интернет-алаяқтық фактілерінің алдын алуға бағытталған.
Сондай-ақ, полицейлер интернет алаяқтық пен жол қауіпсіздігіне бағытталған профилактикалық іс-шара өткізді
Кентау қалалық полиция бөлімінің бастығы Шералы Әділханұлы мен бірінші орынбасары Азамат Сәрсенқұловтың басшылығымен қала аумағында кешенді профилактикалық іс-шаралар өткізілді.
Шара барысында қоғамдық көлік жүргізушілеріне жол қозғалысы қауіпсіздігі мен интернет алаяқтықтың алдын алу бойынша түсіндіру жұмыстары жүргізіліп, ақпараттық брошюралар таратылды және аудио хабарламалар жолданды.
Сондай-ақ сауда орталықтары мен қоғамдық орындарда интернет алаяқтықтан сақтану жөніндегі аудио ескертулер тұрақты түрде берілуде.
Шараның мақсаты — тұрғындардың құқықтық сауаттылығын арттыру, жол қауіпсіздігін қамтамасыз ету және алаяқтық қылмыстардың алдын алу.
П.Асан.
