Аудан көлеміндегі криминогендік жағдай және құқық бұзушылықтардың алдын алу бағытында аудан прокуроры Дабыл Аянұлының ұйымдастыруымен Жастар ресурстық орталығының мәжіліс залында жиналыс өтті. Бұл туралы Төлеби аудандық мәслихатының баспасөз қызметі хабарлады. Жиында кәмелетке толмағандармен байланысты құқық бұзушылықтардың алдын алу, сондай-ақ жол-көлік оқиғаларын болдырмау мәселелері талқыланды. Жиында криминогендік ахуалды жақсарту және профилактикалық шараларды күшейту жөнінде тиісті шаралар белгіленді.
«Жиналысқа аудан әкімінің орынбасары Бағдат Жанғазиев, аудандық мәслихаттың төрағасы Нұрлан Қойбағаров, «AMANAT» партиясы аудандық филиалының атқарушы хатшысы Шырынбек Оңғаров, аудандық мәслихат депутаты Бердіғали Өмірәлі қатысты» деп хабарлайды баспасөз қызметі.
