Түркістан облысында елді мекендерін газдандыру жұмыстары қарқынды. Өткен жылы өңірдегі 48 ауыл табиғи газға қосылып, қамту деңгейі 61,6%-ды құрады. 2012-2022 жылдары құрылысы жүргізіліп, іске қосылмаған 38 проблемалық нысан бойынша тиісті жұмыс атқарылды. Нәтижесінде, 91 мың халық тұратын 27 ауылдың мәселесі шешіліп, газға қосылды.
Бәйдібек ауданы, Боралдай ауылдық округіне қарасты Талап елді мекеніне де табиғи газ берілді. Салтанатты шараға аудандық тұрғын үй коммуналдық шаруашылық, жолаушылар көлігі және автомобиль жолдары бөлімінің басшысы Жандос Азизханов қатысып, Талап елді мекені тұрғындарымен газ торабының тетігін іске қосты. Талап ауылы биылғы жылдың басынан бері табиғи газға қосылып отырған үшінші елді мекен. Енді 700-ге жуық тұрғын табиғи газға қосылуға мүмкіндік алады.
Қазіргі таңда аудан көлеміндегі 13 елді мекенді газдандыру бойынша құрылыс жұмыстары жүргізілуде. 5 елді мекенді газдандыру бойынша бюджетке қаржыландыруға ұсыныс жасалса, қалған 8 елді мекеннің жобалық сметалық құжаттамасы әзірленуде.
Айта кетейік, Бәйдібек ауданында 2015 жылы магистралды газ құбырының құрылысы жүргізіліп, аудан орталығына газ берілген болатын. Бүгінгі таңда аудандағы 21 ауыл «көгілдір отынды» тұтынып отыр.
Түркістан облысы әкімінің баспасөз қызметі
Related Posts
ТҮРКІСТАН ОБЛЫСЫНДА ҚЫЗЫЛШАҒА ҚАРСЫ ИММУНДАУ БЕЛСЕНДІ ЖҮРГІЗІЛІП ЖАТЫР
Түркістан облысында жыл басынан күдікті ошақтардан жағдай тіркеліп, оның ішінде 2285 науқасқа «қызылша» диагнозы қойылған. Зертханалық дәлелденген бұл…
Мейірімділік айында халқымыз игі істерін еселеп, сауапқа кенеле берсін
Мемлекет басшысы Қасым-Жомарт Тоқаев қазақстандықтарды Рамазан айының басталуымен құттықтады, деп хабарлайды ҚазАқпарат Ақордаға сілтеме жасап. «Ардақты ағайын! Сіздерді қасиетті Рамазан…
АРЫСТА ЖЕРГІЛІКТІ ӨЗІН-ӨЗІ БАСҚАРУДЫ ДАМЫТУ ТҰЖЫРЫМДАМАСЫ БОЙЫНША СЕМИНАР ӨТТІ
Арыс қалалық мәдениет үйінде Қазақстан Республикасында жергілікті өзін-өзі басқаруды дамытудың 2025 жылға дейінгі тұжырымдамасын іске асыру жөніндегі іс-қимыл…
ТҮРКИЯДА АВТОБУС БИЛЕТТЕРІ ҚЫМБАТТАМАЙДЫ
Түркияда 2023 жылы қалалар арасына қатынайтын автобустар билет бағасын қымбаттатпайды. Бұл жолаушылар санының өсуіне сеп…