Полицейлер отбасындағы зорлық-зомбылықтың алдын алу бойынша түсіндірме жиналысын өткізді. Сайрам аудандық полиция басқармасының қызметкерлері отбасылық тұрмыстық зорлық-зомбылықтың түрлері, оның салдары және заңнамада көзделген құқықтық жауапкершілік туралы жан-жақты ақпарат берді. Бұл туралы Түркістан облысы ПД баспасөз қызметі хабарлады.
«Негізгі мақсаты – тұрғындардың құқықтық сауаттылығын арттыру, отбасында қауіпсіз әрі сыйластыққа негізделген орта қалыптастыру.
Сонымен қатархалық көп шоғырланатын орындарда тұрмыстық зорлық-зомбылықтың алдын алу бағытында түсіндіру жұмыстары жүргізіліп, профилактикалық ескертулер жасалды.
Отбасындағы тыныштық пен өзара құрмет – берекелі қоғамның негізі» делінген баспасөз қызметінің хабарламасында.
