«Арыс қаласындағы №17 колледжде студенттер арасында «Жастар қауіпсіздігі – болашақтың кепілі» тақырыбында түсіндіру жиналысы өтті.
Аталмаш шараға колледж әкімшілігі, әлеуметтік педагог, психолог, студенттер және Арыс аудандық полиция бөлімінің Қоғамдық қауіпсіздік бөлімшесінің кәмелетке толмағандар ісі жөніндегі учаскелік полиция инспекторы, полиция аға лейтенанты Қ.Назаров пен әйелдерді зорлық-зомбылықтан қорғау тобының инспекторы, полиция аға лейтенанты М.Уразбаева қатысты» деп хабарлайды habarlike.kz Түркістан облысы ПД баспасөз қызметіне сілтеме жасап.
Сонымен қатар қатысушыларға бейнеролик көрсетіліп, студенттер өз ой-пікірлерін ортаға салды. Сондай-ақ, колледж психологы жастарға өзін-өзі қорғау дағдылары мен ішкі күйзелісті басқару тәсілдері жөнінде кеңес берді.
Осындай кездесулер жастардың құқықтық мәдениетін қалыптастырып, олардың қауіпсіздігін қамтамасыз етуге бағытталған.
