Түркістан облысы Полиция департаментінің Криминалдық полиция қызметкерлері жедел-іздестіру іс-шаралары нәтижесінде медициналық мекемеден қашып кеткен сотталушыны ұстады. «Ол Түркістан қаласынан танысының үйінен ұсталды» деп хабарлайды
Түркістан облысы ПД баспасөз қызметі.
Ұсталған адам тергеу изоляторына орналастырылды. Қазіргі уақытта барлық жағдайларды анықтауға бағытталған қажетті іс шаралар атқарылуда. Сотқа дейінгі тергеу жүргізілуде.
Естеріңізге сала кетейік, оқиға ағымдағы жылдың 23 қазанында болған. Сотталушыны ұстау мақсатында ауқымды жедел-іздестіру іс-шаралары ұйымдастырылды, бақылау бекеттері қойылды, сондай-ақ полицияның барлық жеке құрамы жұмылдырылды.
Бұл жайт Түркістан облысы Полиция департаменті бастығының жеке бақылауында.
