Келес ауданында кәмелетке толмағандар арасында құқық бұзушылықтың алдын алу мақсатында ақпараттық-түсіндіру іс-шарасы өткізілді.
Шара барысында Түркістан облыстық полиция департаменті Қоғамдық қауіпсіздік басқармасының аға инспекторы Бексұлтан Ташимов жасөспірімдерге соңғы уақытта облыс аумағында орын алған қайғылы оқиға – 9-сынып оқушысының өлімі туралы айтып, құқық бұзушылықтың жазасыз қалмайтынын, өзгенің құқығына қол сұғуға болмайтынын және заңды білмеу жазадан босатпайтынын атап өтті.
Сондай-ақ аудандық полиция бөлімінің Қоғамдық қауіпсіздік бөлімшесінің ювеналды полиция тобының аға инспекторы Болатбек Құрманқұлов құқықтық нормаларды сақтау мен заң бұзушылықтың салдары жөнінде түсіндірме жұмыстарын жүргізді.
Ал мектеп инспекторы, полиция майоры Эльмира Есенқұлова оқушыларға кәмелетке толмағандардың құқықтары мен міндеттері, құқық бұзушылықтың алдын алу шаралары жөнінде кеңінен баяндады.
habarlike.kz
