Сауран аудандық полиция бөлімінің Отбасылық-тұрмыстық зорлық-зомбылықтан қорғау тобының аға инспекторлары Ақмаржан Кұлмағамбетова мен Тойсұлу Нартай «Отбасы қолдау орталығымен» бірлесе отырып, саурандық басқармалар үйінде тұрмыстық зорлық-зомбылықтың алдын алу мақсатында ашық есік күнін ұйымдастырды.
Іс-шара барысында тұрмыстық зорлық-зомбылықтың түрлері мен оның алдын алу тетіктері түсіндіріліп, әйелдер мен балалардың құқықтарын қорғау бағытындағы механизмдер таныстырылды. Сонымен қатар азаматтарға құқықтық кеңестер беріліп, ақпараттық-бұқаралық материалдар таратылды.
Отбасындағы мәселелерді шешуде психологиялық және әлеуметтік қолдау алу мүмкіндіктері туралы да кеңінен ақпарат ұсынылды.
Түркістан облысы ПД баспасөз қызметі
