«Жуырда Түркістан облысы жұмыспен қамтуды үйлестіру және әлеуметтік бағдарламалар басқармасына қарасты «А.АсылЖандар» ЖШС қарт азаматтар мен мүгедектерге әлеуметтік қызмет көрсету мекемесінде қызметкерлердің жалпы жиналысы өтті» деп хабарлайды Түркістан Облысы Кәсіподақтар Орталығы.
Жиналыс барысында мекеме басшысы Сұлтан Ақмарал Нұрланқызы және «Қызмет» салалық кәсіподағы Түркістан облыстық филиалының төрайымы Есебаева Күлдар Аралбекқызы әлеуметтік әріптестікті дамыту, ұжым қызметкерлерінің әлеуметтік-экономикалық құқықтары мен мүдделерін қорғау, ұжымдық шарттың маңыздылығы мен жауапкершілігі, еңбек қатынастары, еңбек қауіпсіздігі және еңбекті қорғау талаптарын қамтамасыз ету мәселелерін талқылады. Сондай-ақ кәсіподақтың рөлі мен атқаратын қызметі туралы кеңінен ақпарат берілді.
Жиналыс нәтижесінде ұжым бастауыш кәсіподақ ұйымын құру туралы шешім қабылдап, кәсіподақ ұйымының төрағасы болып Эрметов Тұрсынбай Қорғанбайұлы сайланды.
Кездесуде айтылған ұсыныстарды ескере отырып, мекеме қызметкерлері 100% құрамда «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігі Түркістан облыстық филиалының мүшелігіне енді.
Екіжақты ынтымақтастық өзара құрметке, берік достық пен нәтижелі әріптестікке негіз болады деген сенімдеміз!
habarlike.kz
