Қазақстан Республикасы Ұлттық экономика министрлігінің Табиғи монополияларды реттеу комитетінің Түркістан облысы бойынша департаменті 2024 жылғы тарифтік сметаның орындалуы туралы «Түркістан-су» МКК-ның тарату желілері бойынша су берудің және ағынды суларды бұрудың реттеліп көрсетілетін қызметтері бойынша есебіне талдау жүргізді.
Тарату желілері бойынша су беру қызметі бойынша 2024 жылғы тарифтік сметаның орындалуын талдау нәтижелері бойынша ҚР Ұлттық Банкінің базалық мөлшерлемесін ескере отырып, негізсіз алынған табыс сомасы 10 120 973 теңгені құрағаны анықталды.
Осыған байланысты 2025 жылғы 1 желтоқсаннан бастап су беру қызметіне ҚҚС — сыз 1 м3 үшін 88,31 теңге жаңа тариф енгізіледі, бұл бұрын бекітілген тарифтен 1,15 теңгеге немесе 1,28% — ға төмен.
Бұдан басқа, 2024 жылы сарқынды суларды бұру (кәріз) қызметі бойынша тарифтік сметаның орындалуын талдау нәтижелері бойынша негізсіз алынған табыс сомасы 7 518 666 теңгені құрады.
2025 жылғы 1 желтоқсаннан бастап сарқынды суларды бұру қызметіне жаңа тариф енгізіледі-1 м3 үшін 135,87 теңге, бұл бұрын бекітілген тарифтен 2,49 теңгеге немесе 1,79% — ға төмен.
Қабылданған шешімдер тұтынушылардың мүдделерін қорғауға және тариф белгілеу процесінің ашықтығын қамтамасыз етуге бағытталған.
