2024–2026 жылдарға арналған кісі өлтіруге қарсы іс-қимыл бағдарламасын іске асыру жөніндегі жоспардың 9-тармағы аясында шардара ауданында маңызды профилактикалық жиналыс өтті.
Жиын шардара аудандық қоғамдық қауіпсіздік бөлімшесінің 189 упп жанынан құрылған қоғамдық кеңестің ұйымдастыруымен өткізілді. Кездесу барысында нөлдік төзімділік қағидатын қамтамасыз ету, бұрын сотталған азаматтармен, профилактикалық есепте тұрған тұлғалармен жұмыс жүргізу, сондай-ақ отбасылық-тұрмыстық қатынастар саласындағы, кәмелетке толмағандар мен мас күйінде жасалатын құқық бұзушылықтардың алдын алу мәселелері кеңінен талқыланды.
Сонымен қатар, көшелерде және басқа да қоғамдық орындарда қылмыстардың алдын алу, жолын кесу бағытында атқарылатын нақты іс-шаралар мен бірлескен жұмыс тетіктері қарастырылды.
Қоғамдық тәртіп пен азаматтардың қауіпсіздігін қамтамасыз ету – баршамыздың ортақ жауапкершілігіміз. Осы бағыттағы профилактикалық жұмыстар алдағы уақытта да жүйелі түрде жалғасын табады.
Шардара аудандық полиция бөлімі
