«Кибералаяқтықтың алдын алу, қорғау және жауапкершілік» тақырыбындағы сәйкес, Арыс аудандық полиция бөлімінің криминалдық полиция және жергілікті полиция қызметінің учаскелік инспекторлары бірлесіп, В.И.Комаров атындағы жалпы орта мектебінің мұғалімдеріне түсіндіру жұмыстарын жүргізді.
Іс-шара барысында интернет алаяқтықтың кең тараған түрлері мен әдістері (фишинг, жалған сілтемелер, әлеуметтік желілер арқылы алдау және т.б.) туралы толық ақпарат берілді. Полиция қызметкерлері жеке деректердің қауіпсіздігін сақтау, белгісіз тұлғалармен қаржылық операциялар жасамау, интернеттегі сақтық шараларын ұстану жөнінде кеңестер ұсынды.
Сонымен қатар, интернет алаяқтықтың құрбаны болған жағдайда құқық қорғау органдарына жүгіну тәртібі түсіндірілді.
Түркістан облысы ПД баспасөз қызметі
