Кентау қалалық полиция басқармасының Құқықбұзушылық профилактикасы бағытындағы Отбасы-тұрмыстық зорлық-зомбылыққа қарсы күрес тобының инспекторлары және Кентау қаласы «Дарын» мектеп-лицейінің ұжымының бастамасымен білім ордасының 50-ге жуық оқушысымен бірлескен флэшмоб ұйымдастырылды.
Шараның негізгі мақсаты – гендерлік зорлық-зомбылықтың алдын алу, оған жол бермеу, қоғамда отбасы-тұрмыстық зорлық-зомбылық мәселесіне назар аударту, азаматтардың құқықтық сауаттылығын арттыру, құқық бұзушылықтың алдын алу және оны болдырмау.
Кентау қаласында өткізілген бұл іс-шара жастардың белсенді қатысуымен өтіп, қоғамда зорлық-зомбылықсыз өмір салтын қалыптастыруға үн қосты.
Түркістан облысы ПД баспасөз қызметі
