Дүниежүзілік жол-көлік оқиғалары құрбандарын еске алу күніне орай, Түркістан облысында «Жол қауіпсіздігі апталығы» өтуде.
Осы шара аясында Созақ аудандық полиция бөлімінің Әкімшілік полиция бөлімшесінің бастығы Сұлтанмахмут Сембаев Н.Төреқұлов атындағы ІТ мектеп-лицейінің жоғары сынып оқушыларымен кездесу өткізді.
«Еске алу және қауіпсіздік жолы» атты іс-шараға 200-ден астам оқушы қатысып, жолда жүру мәдениеті мен қауіпсіздік ережелері туралы маңызды ақпарат алды.
Оқушыларға «Есте сақта және ойлан» бейнеролигі көрсетіліп, жылдамдықты арттырудың салдары мен жол-көлік оқиғасының алдын алу жолдары түсіндірілді.
Кездесу барысында жасөспірімдер көкейлеріндегі сұрақтарын қойып, полицейлерден нақты жауаптар алды.
Түркістан облысы ПД баспасөз қызметі
