Түркістан облысының Полиция департаментінде азаматтарды жеке қабылдау ұйымдастырылды. Қабылдауды департамент бастығының орынбасары Бағланбек Айтпаев өткізді.
Жетісай, Кентау, Қазығұрт, Сауран және Түркістан өңірлерінен келген 20-ға жуық тұрғын полиция басшысына өз мәселелерін тікелей жеткізді. Азаматтардың арыз-шағымы бойынша нақты түсіндірмелер беріліп, тиісті басшыларға тапсырмалар жүктелді.
Кейбір мәселелер департамент басшылығының бақылауына алынып, қосымша тексерістер жүргізілген соң жазбаша жауап берілетіні туралы айтылды. Тұрғындар дер кезінде көрсетілген көмек пен қолдау үшін ризашылықтарын білдірді.
Түркістан облысы ПД баспасөз қызметі
