Полиция қызметкерлері тұрғындар арасында қоғамдық орындарда бет-әлпетті толық жабатын киімдерді, соның ішінде никаб пен басқа да жабық тұмшалау түрлерін қолдануға қатысты заң талаптарын түсіндіруде.
Тәртіп сақшылары Қазақстан Республикасының заңдарына сәйкес, қоғамдық орындарда бет-әлпетті толық жабатын киімдерді киюге шектеу қойылғанын атап өтті. Бұл шектеу қоғамдық қауіпсіздік, тұлғаны анықтау мүмкіндігі және құқықтық тәртіпті сақтау мақсатында енгізілген.
Сонымен қатар полицейлер діни сенім бостандығына Қазақстанда толық жағдай жасалғанын, алайда кез келген діни рәсім немесе киімнің қалыптасқан құқықтық нормаларға қайшы келмеуі тиіс екенін түсіндірді. Дін мәселесі бойынша түсіндіру жұмыстары мәдениет және конфессияаралық келісім аясында жүргізілетіні де айтылды.
Іс-шара нәтижесінде тұрғындардың құқықтық сауаттылығы артты, қоғамдық орындардағы тәртіп пен қауіпсіздікті сақтау қажеттілігіне ерекше көңіл бөлінді.
Түркістан облысы ПД баспасөз қызметі.
