Түркістан облысы Полиция департаментінің бастығы Мұрат Қабденовтің тапсырмасымен әкімшілік полиция бөлімінің қызметкерлері “Түркістан Жарық-Тазалық” ЖШС-не қарасты қала көшелері мен жаяу жүргіншілер жолдарын тазалайтын арнайы техникалардың қысқы маусымға дайындығын тексерді.
Тексеру барысында коммуналдық автокөліктердің жалпы техникалық жағдайы, жарық және тежегіш жүйелерінің жұмысқа қабілеттілігі, дөңгелектердің маусымға сәйкестігі, сондай-ақ кабинадағы қауіпсіздік элементтері бағаланды. Сонымен қатар жүргізушілердің құжаттарының толықтығы және қауіпсіздік талаптарын сақтау деңгейі де назардан тыс қалған жоқ.
Бұдан бөлек, жолдарды көктайғақтан қорғау үшін қолданылатын инертті материалдардың (құм, тұз қоспалары және т.б.) жеткіліктілігі мен олардың сақталу жағдайы тексерілді.
Түркістан облысы ПД баспасөз қызметі.
