Бәйдібек ауданының полиция қызметкерлері тұрғындар арасында интернет алаяқтықтың алдын алу мақсатында түсіндірме жұмыстарын жүргізді.
Тәртіп сақшылары мешіттер мен дүкендерді аралап, азаматтарға күмәнді сілтемелерге өтпеу, жеке деректер мен банк картасы нөмірін бөгде адамдарға бермеу керектігін ескертті.
Кибералаяқтардың айла-тәсілдері мен олардан қорғану жолдары нақты мысалдармен түсіндірілді.Осындай шаралар азаматтардың сақтық деңгейін арттырып, киберқылмыстың алдын алуға ықпал етеді.
Түркістан облысы ПД баспасөз қызметі
