Түлкібас ауданы полиция бөлімінің жеке құрамы тарапынан азаматтармен тығыз байланыс орнату, құқық бұзушылықтардың алдын алу және қоғамдық тәртіпті нығайту мақсатында «Учаске» жедел-профилактикалық іс-шарасы өткізілуде.
Полиция қызметкерлері тұрғындардың қауіпсіздігін қамтамасыз етіп, қоғамда сенім мен өзара түсіністікке негізделген орта қалыптастыру мақсатында өткізіліп жатқан шарада аудан көлеміндегі 15 мыңнан астам тұрғынжай мен 150-ге жуық қора-қопсыны тексерді.
Учаскелік полиция инспекторлары үйлерді аралау кезінде тұрғындардың өтініштерін қабылдап, құқықтық түсіндіру жұмыстарын жүргізіп, тұрмыстық зорлық-зомбылықтың, ұсақ құқық бұзушылықтардың және басқа да әкімшілік заңбұзушылықтардың алдын алуға бағытталған шаралар атқаруда.
Сонымен қатар құқық бұзушылықтың түрлі деректері бойынша Қазақстан «Республикасында тiркеусiз не жеке басты куәландыратын құжаттарсыз тұру» бойынша – 36, «Шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы» бойынша – 18, және басқа да құқық бұзушылықьармен 500-ге жуық хаттама толтырылды.
Түркістан облысының ПД баспасөз қызметі
