«Түлкібас ауданы полиция бөлімінің Қылмыстық қудалау бөлімі, Отбасындағы тұрмыстық зорлық-зомбылыққа қарсы күрес және ювеналдық полиция тобының қызметкерлері Түлкібас ауылы Б.Момышұлы атындағы жалпы орта білім беру мектебінде оқушылар мен олардың ата-аналарының қатысуында ауқымды профилактикалық іс-шара өткізді» деп хабарлайды habarlike.kz Түркістан облысы ПД баспасөз қызметіне сілтеме жасап.
Тұрмыстық зорлық-зомбылықтың алдын алу – Ішкі істер органдары қызметінің негізгі бағыттарының бірі. Әйелдер мен жасөспірімдердің құқықтарын қорғау, отбасылық құндылықтарды сақтау және зорлық-зомбылыққа қарсы іс-қимыл жасау мәселелері Мемлекет басшысы мен Ішкі істер министрлігі басшылығының ерекше бақылауында.
Кездесу барысында полиция қызметкерлері қатысушыларға тұрмыстық зорлық-зомбылықтың түрлері, оның құқықтық салдары және оны болдырмау жолдары туралы түсіндіріп өтті. Сонымен қатар, ана мен баланы қорғауға, отбасындағы өзара сыйластық пен жауапкершілікті арттыруға бағытталған ақпараттық және тәрбиелік кеңестер берілді.
