Түркістан облысының полицейлері қарудың заңсыз айналымы фактілерін анықтау және жолын кесу жұмыстарын жалғастыруда. Негізгі мақсат-азаматтардың қауіпсіздігін қамтамасыз ету және қару-жарақ қылмыстарының алдын алу.
«Осы орайда «Учаске» жедел-профилактикалық іс-шарасы аясында Түркістан облысы Полиция департаментінің Экстремизмге қарсы іс-қимыл басқармасының қызметкерлері тіркелмеген қару заңсыз сақтау фактісін анықтады» деп хабарлайды Түркістан облысы ПД баспасөз қызметі.
Жедел-іздестіру іс-шараларының нәтижесінде полицейлер үйінен тіркелмеген атыс қаруы табылған Түркістан қаласының тұрғынын ұстады. Жедел уәкілдер тінту кезінде күдіктіден екі травматикалық және бір пневматикалық мылтық, тегіс ұңғылы мылтық, сондай-ақ 30 шамамен патрон мен кастет тәркілеген.
Аталған факт бойынша сотқа дейінгі тергеп-тексеру және істің барлық мән-жайларын анықтауға бағытталған басқа да қажетті іс-шаралар жүргізілуде.
П. Расул.
