Кеңес әскерінің Ауғанстаннан шығарылғанына 35 жыл толуына орай Түркістанда облыстық «Жас сарбаз әншісі» әскери-патриоттық ән фестивалі өтті.
Түркістан облыстық мәдениет және халық шығармашылығы орталығының ұйымдастыруымен өткен фестивальде облыстың барлық аудан, қаласының мектеп жанындағы «Жас сарбаздар» клубының оқушылары бақтарын сынады.
Фестивальдің алғашқы кезеңінде үміткерлер әскери-патриоттық тақырыпта ән орындады. Ал екінші кезеңде патриоттық Отан, туған жер, бейбітшілік, достыққа арналған әндерді шырқады.
Байқауда әнші, ҚР Еңбек сіңірген қайраткері Ардақ Балажанова, Қожа Ахмет Ясауи атындағы халықаралық қазақ-түрік университетінің магистр оқытушысы, республикалық байқаулардың лауреаты Айжан Жолымбекова, Түркістан облысы қорғаныс істері жөніндегі департаментінің персоналмен жұмыс қызметінің басшысы, майор Ерғали Алжанов қазылық етті.
Қазылар алқасының шешімімен бас жүлде Төлеби ауданынан келген өнерпаз Увайдулла Ағаділге бұйырды. Жүлделі I орынды Келес ауданынан Мерей Сегізбай иеленді. II орын иегерлері Жасұлан Тасболат (Жетісай аудан), Елдос Бағдәулет (Түркістан қаласы) атанды. Жүлделі III орынды кентаулық өнерпаз Рамазан Тілеужан, Бәйдібек ауданынан Эльдар Фархатұлы, Арыс қаласынан Ержігіт Беркінбек қанжығасына байлады. Жеңімпаздарға арнайы жүлделер мен ынталандыру сыйлықтары берілді.
Түркістан облысы әкімінің баспасөз қызметі
Related Posts
ШАРДАРАНЫҢ ӨЗЕКТІ МӘСЕЛЕЛЕРІ ТАЛДАНДЫ
Түркістан облысындағы барлық аудан, қалалардың өзекті мәселелері талқыланып, шешу жолдары қаралатын жаңа форматтағы кездесулер Шардара ауданында өтті. Облыс…
РУМЫНИЯНЫҢ НАЗАРЫ – ТҮРКИЯДА
Алания туризмін таныту қоры төрағасының орынбасары Мехмет Дахаоғлұның айтуынша, Румыниядан Анталияға келетін адам саны…
ТҮРКІСТАН: КЕЛЕС АУДАНЫНДА ӨНІМДЕРДІ САҚТАЙТЫН ҚОЙМА САЛУ ЖОСПАРЛАНУДА
Түркістан облысы, Келес ауданында ауыл шаруашылығы өнімдерін сақтайтын қойма салынады деп жоспарлануда. Бұл туралы аудандық қоғамдық кеңестің есеп…
ТҮРКІСТАНДА НАУРЫЗ МЕЙРАМЫНДА «GASTRO FEST TURKISTAN – 2023» ФЕСТИВАЛІ ӨТТІ
Түркістан қаласында Наурыз мейрамына орай «GASTRO FEST TURKISTAN – 2023» фестивалі өтті. Гастрофестиваль – Түркістан қаласының көрнекті белгісіне…