Түлкібас аудандық полиция бөлімінің Қоғамдық қауіпсіздік бөлімшесінің қызметкерлері “Жаңа жол” акциясы аясында тұрғындарға қолдау көрсету және әлеуметтік бейімделуіне ықпал ету бағытында бірқатар жұмыстар жүргізуде.
Акция барысында тәртіп сақшылары тұрғынға психологиялық көмек көрсетіп, оны қоғамға бейімдеу мақсатында аудандық Мансап орталығы арқылы жұмысқа орналастыруға жәрдем берді.
Бұл шараның басты мақсаты – өмірлік қиын жағдайға тап болған азаматтарға қолдау көрсету, олардың қоғамнан оқшаулануына жол бермеу және жаңа өмірге қадам жасауына мүмкіндік беру болып табылады.
Түлкібас аудандық полиция бөлімі тұрғындарды әлеуметтік жауапкершілікке шақыра отырып, қоғамның қауіпсіздігі мен тұрақтылығын сақтау — әр азаматтың ортақ міндеті екенін еске салады.
Түркістан облысы ПД баспасөз қызметі
