Түркістан облысы аумағында қоғамдық тәртіпті сақтау және құқық бұзушылықтардың алдын алу мақсатында «Учаске» жедел-алдын алу іс-шарасы жүргізілуде. Осыған орай Ордабасы ауданы аумағында тәртіп сақшылары құқық бұзушылықтың алдын алу және тұрғындармен тығыз байланыс орнату бағытында жұмыстарды қарқынды түрде атқаруда.
Іс-шара барысында учаскелік полиция инспекторлары тұрғын үйлерді аралап, азаматтармен кездесіп, заң талаптарын түсіндірумен қатар, олардың өтініш-тілектерін орнында қабылдауда. Бүгінге дейін 16000 жуық тұрғын үй мен қамтылып, 60 пәтер тексерілді. Нәтижесінде 990 құқық бұзушылық дерегі анықталды.
Сонымен қатар, пробациялық есепте тұрған азаматтар мен қару иелерін тексеру жұмыстары жүргізіліп, олардың тарапынан заң талаптарын сақтау мәселесі тұрақты бақылауға алынған. Полиция қызметкерлері қылмыстың алдын алу, тұрмыстық зорлық-зомбылықтың жолын кесу және құқық бұзушыларды дер кезінде анықтау бағытында кешенді шаралар атқаруда.
Түркістан облысы ПД баспсөз қызметі
